امتحان اللغة العربية ثانوية عامة

السلام عليكم

النهاردة جبتلكم موضوع جديد وده تاني موضوع ليا امتحان اللغة العربية ثانوية عامة Smile

في نفس القسم لاني حبيت القسم ده وهو اول قسم دخلته في المنتدي كله

وان شاء الله هحاول اكون متواجدة في كل الاقسام بمشاركاتي وموضوعاتي

واليكم الموضوع التالي :

السؤال الاول :التعبير

اكتب مالا يقل عن 650 سطر في احد الموضوعات التالية :

1-لم يجد الطفل غير الشارع ملجأ نظراً لحالة البلد الهباب .. فاتجه الي السرقة والقتل والحشيش ..حتي نال جزاءه وقبض عليه متلبساً بباكتة بانجو ..اكتب قصته مع تسليم الحِرز للباشا مراقب اللجنة .

2- شهدت بلدنا الحبيبة نهضة في مجال التشييد والبناء وخصوصاً بعد وصول سعر الحديد الي 6500 جنيه للطن . اكتب ما يمليه عليك ضميرك علي ان يبدأ موضوعك بعبارة انا بشتغل في حديد عز .

3- بعد انتشار ظاهرة أكل لحم الكلاب والحمير ..من وجهة نظرك تكلم عن هذه الظاهرة ومن المتسبب فيها بدون غلط .. الورق متراقب .

السؤال الثاني :

سؤال القصة من قصة (وعهد الله ما انت داخل الانتخابات )

اقرأ القطعة واجب عن الاتي :

"ثم اتي اليه وضربه بالجزمة وقال :انت عايز تترشح في الانتخابات يا معفن ؟؟
دا انت عايز معجزة .. مش كفاية بتاكلوا لحمة ومستورين .. عايزين ايه تاني ؟

س: ماهي اللحمة ؟ او علي الاقل حدد اقر معني خيالي لها ؟

س:مرادف معجزة فى اللغة ( تغيير وزارى – زيادة المرتبات – رغيف العيش) اختر يا مقلول البخت

س:لماذ ضربه الرجل بالجزمة وليس بالعصى مثلا؟؟

[b]أهو كسل .. لسة هيرفع العصاية؟ - عشان العصاية قلة قيمة برضه واحنا فى عصر الديمقراطية – عشان العصاية شغالة مع واحد
تاني..افهم انت بقى اختر

[/b]السؤال الثالث :

من موضوع ( الزعيم..والفنان.. والقدوة) اقرأ القطعة وأجب

وقد نفى الزعيم عادل إمام الإشاعات التى أكدت أنه مرشح لوزارة الثقافة.. وأكد أنه فنان فقط وليس سياسيا الخبر حقيقى كما أنه

يرحب بالتوريث ومقتنع بكل سياسات الحكومة

فى رأيك هل يصلح عادل إمام لوزارة الثقافة أم لوزارة الصناعة باعتبار أنه صرح فى فيلم السفارة فى العمارة أنه بيحب المَكَن؟؟

دخل كاتب هذه السطور مسرحية بودى جارد للزعيم رغم قرفه منه أساسا.. فى رأيك ما السبب فى دخوله؟

أكيد معزوم – طبيعى معزوم – وربنا معزوم.. اختر على أن تضع إيدك على المصحف وانت بتحلف للمراقب بتاع اللجنة

السؤال الرابع :

النصوص

أجب عن أحد النصين الآتيين

من نص ( ماشربتش من نيلها)..اقرأ ثم أجب

ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكى لها

بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر..ما المقصود بنيلها فى النص؟

[b]المسيسبى - الأمازون – يونج يانج

أكمل الأبيات إلى آخر كحكة فى الكليب

من نص (حين ميسرة)..أجب عن الآتى

اذكر اسم مصيبة واحدة محصلتش فى النص الأسود ده؟

وضح عبقرية أحمد بدير الإرهابى فى النص وهو يكتب رسالة على الكمبيوتر باستخدام أزرار الأرقام فقط ومفيش حروف.. ويعطى أمر

التنفيذ بزرار قايمة ستارت مش بإنتر.كمبيوتر إرهابى بقى

سبب وجود الشرطة كل خمس دقائق فى النص

موسم ترقيات عقبال أملتك ولازم شغل – أخو خالد يوسف ظابط ولازم يخدم أخوه – عشان الشرطة بتراقب قسم البوليس اللى جنب

أحداث النص اختر

السؤال الخامس النحو:

أعرب ما تحته خط.. لو مالقيتش القطعة أصلا ..اتصرف

ذهب الرئيس إلى المؤتمر .. ضع الجملة السابقة فى صيغة المثنى.. ماعدا الرئيس طبعا ياكلب

كان ممدوح إسماعيل قاتلا .. ضع إن مكان كان.. على ألا تنصب ممدوح.. عشان هوه بينصب لوحده

[b]فُرِضت الضرائب علينا ببشاعة ..أعرب الجملة .. وارفع الضرائب أبوس إيدك

انتهت الاسئلة ....

وبث

مستني الردود هههه

[/b][/b]

» امتحان مافيش زيه من وزارة هنديلك بالشبشب